Pé Daalemmer & Rooie Rinus – Overspel
zeg es wief wel is dij kerel dij doar zit
het hai vannacht misschien in mien berre pit
vertel op
is t de bakker of is t de melkboer
al is t ook mien buurman t interesseert mie gain moer
moar vertel op
ik was op zoakenraais ik zol twij week van hoes
moar deur omstandegheden kwam ik eerder weer thoes
de draanklucht kwam mie aal tegemout op de stoep
de ofwas ston er nog en in de koamer was t n troep
ik bin nait nijsgierig moar dit is verdacht
vertel mie moar es gaauw wat hest doe oetspookt vannacht
zien stropdas zat schaif, zien hoar in de war
op toavel lag n dikke puut mit pinda’s van de spar
glas whisky in haand, peuk in de bek
is het drum of samson of van nelle zwoare shag?
en woarom stait de sloapkoamer op zien kop?
vertel mie dat es gauw want mien geduld is nou op
CREDITS
tekst: P. de Haan / F.J. den Hollander
muziek: E. Oosting
origineel: Tell me honey, Central Heating
verschenen op: Op Verziede in Waskemeer
