Babyshower blues
Van mien geboorte kin ik mie nait meer zo gek veul meer herinneren,
Mor dit is wat mien pa en moeke — mie dr over hebben verteld:
Dr waren beschuut mit moezen, dr hong aarngswoar n slinger
Veur vrienden en familie — was dr een geboortekoart
En veur de commercie een dikke middelvinger
Om mie n beetje dikdoan — lag nait zo in hun oard.
Toun ik dr was deden ze mie veur zover ik wait gewoon es even in bad,
Mor ik heb verdorie nooit n keer een babyshower had …
Buurman kwam even laangs — en jeneverfles op toavel
Moar naargenswoar niks gain blaauw-witte luiertoart van drij verdaipns hoog
Gain ooievoar in toen mit zo’n baby in een luier in zijn snoavel
Een koartje mit mien noam en hou laank ik was, hou zwoar ik woog.
Mor mien moe en heur vriendinnen, haaren toch centen zat
Woarom heb ik din verdorie nooit, nooit n keer een babyshower had.
Mien moeke doing “de Baby Mama dance” heb ik gain video van
Een gender reveal party is aan mie nooit besteed
En ook gain babyborrel mit cupcakes en champagne
Een cake-smash foto-shoot: — nait veur dizze Peet.
In kerk bin ik deupt, ze sputterden mie nat,
Heb ik zeg mor toch nog n hail lutje beetje een babyshower had
CREDITS
Tekst en muziek: P. de Haan
Onderdeel van de Mit 45 deur de bocht-toernee, 2025